La dieta - di Luciano Zanasi

LA DIETA

La piò bróta idea che me muiera la gh'ava avù dàp quàla ed direm ed sé quand a dmandé d'anderegh ambros, l'è ste quand per Nadel la m'à regale la balanza.
«Bein mo da fèr?» a fagh me. E lé «T'et mai guardè in dal spec?». «Mo me sé, tòt el matèini, quand am fagh la berba».
E lé «La ghégna l'è quala cl'é e s-ciavo, pio zò guerda piò zò».
'Na mateina, am lèv un po' prema dal solit e in scapèin a mount in zéma a la balanza... e la rudleina ch'a gh'è deinter in dal veder. Zzzz ... zzz: 58 chilo! La balanza! A me!
Me muiera ch'la s'era desdeda la fa: «S'te pruvéss a màtregh anch cl'èter pè»... e la rudleina... zzz... quand Dio là vlù la sé fermeda... 98 chilo!
Am'è caschè la ghégna... pò a me suvgnù dal spèc... Srà mo ste per la ghégna scartazeda, srà mo ste per i mudant ed lana longh ch'a drov d'inveren per via di reumi... a sembrèva al fant ed càp incinta. Ah mo gióst... la maia, i mudant... A'gh vói il peso netto... via la tara; a sun calè tri etto... Pò am sun guardè in dal spèc grand ed l'armoar...
Dounca... i paesi bassi lasami stèr perchè i gh'àn i so problema per count suo. Per al rest, vést ed frount per via di dù rudée ed gras ch'a gh'iva a meté ed la véta, a sembrèva 'na carafa d'aqua... ed profil fra panza e cul l'era un lavor ch'l'arbalteva al stàmegh.
«Et farés mèi a quaceret» la fa me muiera «spurcaciòun t'en né eter!».
Adesa am spiégh perchè st'istè al mèr, nonostant i blu-jeans stréch stréch, ch'a gh'iva n'autonomia ed dusèint o tersèint meter, da la pensioun, per via che anch al cafè al duviva tor a credit perchè an gh'era gnanch el sachi, a gh'iva da fer a màttrem el camiseini ed seda a fior deszuledi davanti fin a l'umbréghel e la véta ch'a feva per fer stèr fora chi quater plóz ch'a gh'ò in dal stàmegh... adesa am spiégh perchè anch la vàdva ch'a gh'era in pensioun, chi m'iven det «Piaza bouna», l'am guardéva e la's mitiva a réder.
Basta! Da incò dieta e sport !
A i-ò cumincié la dieta punti. Per dimagrir bisègna magner per 40 punt al dè. A i-ò fat i count, cun quàl ch'a magneva am gniva fora, dai 120 ai 160 punt. Am sun studiè a mod la tabèla e am sun organizè.
Sicome, i pass in counten gninta, me a mezdè a magn seimper la pasta sóta ch'i ein 25 punti, un pez ed cherna arost chì ein 12 punti, e i fan 37, e basta. A la sira a magn sol dal pàss. Mez chilo ed troti, zero punt, piò tri etto ed sfetlè che i ein 3 punt ch'a m'era vanzé da mezdè.
L'etra sira a i-ò magné un'inguéla da un chilo... zero punt e tri etto ed rugnoun ch'i ein tri punt.
Quand a pos a rispermi un quelch punt e al not in un regéster; a vói rivèr per el festi ed Nadel cun un magàt ed 300 punt da consumer in turtlein e zampoun.
Mo coiózi, la dieta la va bein mo agh voi anch dal muvimeint, bisegna fèr dal sport! I m'àn cunsigliè la ciclo, mo ménga quàla da, viaz... una ciclo da corsa... A sun andè a Milan da Cinèli al curidor ch'ai fa el ciclo so misura, come un paltò.
I m'àn misure i braz, el gambi, al cavai e dàp un mes, per duseint-méla franch, a i-ò purtè a cà ot chilo ed ciclo... cambio campagnolo a zinch velocitè e du raport, pediveli in lega leggera, palmer ed seda totta roba ed prèma... Dio a vrév vàdder: 25 mèla franch al chilo! Oh... mèinter ch'a speteva la ciclo, tóti el siri a lezioun al Bar Coppi.
A i-ò imparè che el bragàti da ciclésta i deven éser frudedi ed deinter con la pelle di daino, per via ed tgnir el sciapi al fràsch, ch'en s'imbrusien.
Pò a i-ò imparè tótt i raport. «Me, dmanga a màt so un 16 per 48».
«Bein mo' et crepa la testa» al fa Mariòun «Al set che cun un 16 x 48 et fé 7 meter e 40 centimeter. Per la prèma uscida rapporti bassi, anzi bassissimi. Tè dmànga l'è abasta et màtt so un 20 x 46 dam a-meint a me!».
A i-ò cumprè la tuta ed lana blò e 'na maia da ciclésta rès­sa e zala... in testa un bertlèin cun la viséra arbalteda ch'i m'àn regale cunscrét "Mangimi Coop". Quand a la dmanga mateina a i-ò fàt per partir, me muiera la fa «Mo veh! è già rivè al circo Togni?».
In streda a gh'éra quater me amigh ed la me taia. Mariòun, che da zóven al curiva, l'era quàl ch'ai deva el dréti. «Am'arcmand ragaz, cumincè cun di raport bas se no andè in bambola... Me av tìr».
Dàp quater o zinch chilometer a i-ò tachè a tàsser.
«Respira col nes» al giva Mariòun. E me a tussiva piò fort. «Respira col nes a t'ho détt». Mo caióun s'fa prest a dir; me a respireva cun tùtt, anch cun e-gli uracc; ma al fiè an n'era brisa abasta.
«Me an n'in pos pio! » e Mariòun «Via, via, prepèret a ti­rer».
A tirer i ultem... e am sun inzaplè in dla roda ed Mariòun ch'l'iva scarte, a i-ò fat un bivach in mez a la streda, e tótt i me amigh adòs, cumprés Mariòun ch'l'iva apeina finì ed tìrer al gróp, e in mez al mócc, tgnandes la testa fra el man al cuntinueva a tirer del madànn da fèr el faléster.
Am sun desdè al pronto socorso. Un infermer zóven al fa: «Nòno, la psiva andèr péz, a l'àm méssa bein: 47 punt!» e me «Mo no ch'a sun a dieta!».

Traduzione

LA DIETA

La più brutta idea che mia moglie abbia avuto dopo a quella di dirmi di sì quando domandai di andarci a moroso, è stata quando per Natale mi ha regalato una bilancia. "Ma perchè ? " ho detto.
E lei "Non ti sei mai guardato nello specchio?" "Mo sì tutte le mattine quando mi faccio la barba" E lei "La faccia è quella che è ma più giù, guarda più giù."
Una mattina mi alzo un pò prima del solito e scalzo salgo sopra la bilancia... e la rotellina che c'è dentro nel vetro zzzz...zzzz 58 chili!!! La bilancia! A me!!!
Mia moglie che si era svegliata dice "Se tu provassi a metterci anche l'altro piede" e la rotellina: zzzz. Quando Dio ha voluto si è fermata ... 98 chili!!! Mi è caduta la faccia, poi mi sono ricor­dato dello specchio. Sarà stato per la faccia accartocciata, sarà stato per le mutande di lana lunghe che uso d'inverno per via dei reumi, sembravo il fante di coppe incinta. Ah... ma giusto... la maglia, le mutande... Ci vuole il peso netto... via la tara sono calato tre etti. Poi mi sono guardato nello specchio grande del­l'armadio... Dunque i paesi bassi lasciamoli stare perché hanno i loro problemi per conto loro. Per il resto visto di fronte a causa dei rotoli di grasso che avevo a metà della vita, sembravo una caraffa da acqua... di profilo tra pancia e sedere era uno spetta­colo che ribaltava lo stomaco. "Faresti meglio a coprirti" dice mia moglie "sporcaccione che non sei altro". Adesso mi spiego perché questa estate al mare nonostante i blu-jeans stretti stretti, avevo una autonomia di duecento o trecento metri dalla pensione, perché anche il caffé lo dovevo prendere a credito perchè non c'erano neanche le tasche, e avevo da fare a mettermi le camicie di seta a fiori slacciate davanti fino all'ombelico e la fatica che facevo a far stare fuori quei quattro peluzzi che ho nello stomaco... adesso mi spiego perché anche la vedova che c'era in pensione, che mi avevano detto "piazza buona" mi guardava e si metteva a ridere. Basta! Da oggi dieta e sport! Ho cominciato la dieta punti. Per dimagrire bisogna mangiare per 40 punti al giorno. Ho fatto i conti, con quello che mangiavo mi risultavano dai 120 ai 140 punti. Mi sono studiato bene la tabella e mi sono organizzato. Siccome i pesci non conta­no niente, io a mezzogiorno mangio sempre la pasta asciutta che fa 25 punti, un pezzo di carne arrostita che sono 12 punti, e fanno 37, e basta. Alla sera mangio solo del pesce. Mezzo chilo di trote 0 zero punti, più tre etti di affettato che sono 3 punti che mi erano rimasti da mazzogiorno. L'altra sera ho mangiato l'anguilla da un chilo... zero punti e tre etti di rognoni che sono 3 punti. Quan­do posso risparmio un qualche punto e lo noto in un registro; voglio arrivare a Natale con un risparmio di 300 punti da consu­mare in tortellini e zampone. La dieta va bene ma ci vuole anche del movimento, bisogna fare dello sport. Mi hanno consigliato la ciclo, mica quella da viaggio... una ciclo da corsa.. Sono andato a Milano da Cinelli il corridore che fa le ciclo su misura come un paltò. Mi hanno misurato le braccia le gambe, il cavallo e dopo un mese per duecentomila lire, ho portato a casa otto chili di ciclo... cambio campagnolo a cinque velocità e due rapporti, pedivelle in lega leggera, palmer di seta tutta roba di prima... Vorrei vedere 25mila lire al chilo! Mentre aspettavo la bicicletta, tutte le sere a lezione al bar Coppi.
Ho imparato che i calzoncini da ciclista devono essere foderati con la pelle di daino per tenere fresche le chiappe che non si irritino. Poi ho imparato tutti i rapporti. "Io domenica metto su un 16 per 48".
"Ti crepa la testa" dice Marione "Lo sai che con un 16 per 48 fai sette metri e 40 centimetri?" Per la prima uscita rapporti bassi, anzi bassissimi. Tu domenica è sufficente che metta un 20x46 dammi retta".
Ho comperato la tuta di lana blu e una maglia da ciclista rossa e gialla... in testa un berrettino con la visiera ribaltabile che mi hanno regalato con la scritta Mangimi Coop. Quando alla do­menica mattina stavo per partire, mia moglie dice: "Ma veh... è arrivato il Circo Togni?".
In strada c'erano quattro amici della mia taglia. Marione che da giovane correva, era quello che dava le dritte.
"Mi raccomando ragazzi: cominciate con dei rapporti bassi se no andate in bambola.. Io vi tiro".
Dopo quattro o cinque chilometri ho cominciato a tossire. "Re­spira col naso" diceva Marione, e io tossivo più forte. "Respira col naso ti ho detto".
Si fa presto a dire ma io respiravo con tutto, anche con le orec­chie, ma il fiato non era sufficiente.
"Io non ne posso più" e Marione "Via, via, preparati a tirare!!!" A tirare gli ultimi... e mi sono intrappolato nella ruota di Marione che aveva scartato, e ho fatto un tuffo in mezzo alla strada e tutti i miei amici addosso, compreso Marione che aveva appena finito di tirare il gruppo, e in mezzo al mucchio, tenendosi la testa tra le mani, continuava a tirare degli accidenti. Mi sono svegliato al pronto soccorso. Un infermiere giovane dice: "Nonno, poteva andar peggio... l'abbiamo messa bene: 47punti". E io "Mo no che sono a dieta!" .